天洛卡提示您：看后求收藏（詩鼎小說網網m.gzstf.cn），接著再看更方便。

<script>theme();</script></dt>

我十八歲嗰年離家出走。走得好急，無詳細計劃過之后會點。唔理喇！我下定決心絕對唔會食回頭草！我想盡辦法賺錢，除咗正職，仲有做幾份兼職。捱到成個人殘曬，瘦到似個初中生。收留我嘅朋友驚我隨時暴斃。我笑笑口同佢講：「我唔驚死，我最驚係唔知為乜而死?！?

有時夜深人靜，我屈喺張床瞓唔著，碌嚟碌去，好自然會諗自己做咁多嘢係為乜。我一直只係知道自己「唔想要乜」，無確實知道自己「想要乜」。斷斷續續諗咗好多晚，最后諗起以前一直想做作家。

我由中一開始鐘意寫小說。當年唔係家家戶戶有電腦，網絡小說唔盛行，我只可以投稿去報紙雜志或者參加比賽。直至臨近會考，為咗專心溫書而「暫時」停寫小說。點知考完之后又走去做暑期工，做完暑期工又要四圍撲學?！阆赂阆?，我無再寫小說。

寫小說係我嘅夢想？我唔肯定，但係我開始再次寫小說。

我份人好現實，唔會投放好多時間寫小說。只得忙里偷間，返工時候偷偷哋隨手攞張紙嚟寫（用手提電話寫小說太張揚）。每次寫幾句，幾句幾句加埋就係一篇小說，所以我寫嘅小說大部份都係短篇。雖然我本身對長篇有情意結，不過而家都唔錯——有得寫已經好開心。

兩年半之后，終于夠錢租屋，唔使再打攪朋友。臨搬走嗰晚，朋友問我之后有乜打算。

「而家日做夜做，我身體好易捱唔住。長遠嚟講，我一定要搵份高人工嘅正職，唔再做兼職。」我自細成日病，離開屋企無疑係搵命博。

「你學歷唔高喎！」朋友即刻諗到重點。

「我知。一早有準備！」我講述鋪排咗兩年嘅計劃：「兩年前，我去學autocad，而家做繪圖員，下一步係應徵做室內設計師?！?

「識畫圖等如識設計？」朋友唔係好明。

「唔係?！刮液唵沃v下呢兩年嘅大發現：「重點係做設計師唔使考牌。只要有基本相關知識，加上有膽量、有口才，氹到客人落單，其馀嘅可以邊做邊學。」

「真係？」朋友唔相信可以咁簡單。

「真係?！蛊鋵嵨叶颊J為未必可以咁順利，不過點都要放手一博。

今日去見工。換好衫，化好妝，照鏡。我就快二十一歲，鏡中人睇落似三十一歲，老、殘、瘦、乾，根本唔係一個廿歲嘅年青人。無計——我點都唔會返轉頭，唔返轉頭嘅代價就係不停向前走，唔可以停。

見工過程順利，老闆即場決定請我。雖然被壓價在所難免，好彩最后價錢尚算合理。做咗幾日之后，老闆講起點解請我：因為我個樣夠老，睇落成熟，客人會比較放心。我表面假笑，個心就喺度講粗口。

眨下眼又過咗四年幾，我將近二十五歲。我知道自己喺呢間公司大限將至：老闆為咗唔使畀「長期服務金」，所以公司內無一個員工可以過到五年。無所謂，東家唔打打西家！

點諗到返新工半年之后撞啱經濟不景，公司無乜生意，一次炒幾個人，包括我。我又再搵工。好多公司以「經濟不景」為由乘機大幅壓價。我理解，但係接受唔到！

嬲。嬲到兩日無搵工，當係俾自己休息下。

嬲完之后，又死死地氣搵工，同時搵細屋搬。比起住得唔舒服，我更加怕四圍問人借錢。嗰種感覺好慘，好似擘開個好痛嘅傷口任人睇，而且對方睇完之后唔單止未必幫我，仲會畀面色我睇。

我喺唐樓租咗間劏房。開頭幾日好唔習慣，硬係覺得自己嘅地頭多咗好多間雜人（即係其他劏房租客）。有幾個租客成日嗌交，嗌到好激烈，喊打喊殺。雖然最終無特別事發生過，不過我次次都好驚。一個月之后，我勉強算係習慣咗新嘅生活環境。

凌晨時分，馬路無車，大街無人，租客又瞓曬，四圍好靜。突然聽到有狗吠聲。我開窗望下隻狗喺邊。望下望下，我喊咗——點解我喺度望狗?？我唔係應該寫緊小說咩？

我已經好耐無寫小說。因為攰，因為心情差，因為忙，然后不知不覺無寫小說。而家呢？我呢一刻有番寫小說嗰種感覺喇，但係我無攞起紙筆，亦無拎起個電話，因為我驚開燈，又驚要叉電——電費好貴！

我做咁多嘢係為乜？而家竟然連燈都唔敢開！

我盡力唔喊出聲，不過最后依然嘈醒曬其他租客。粗口橫飛，我嘅祖宗十八代同阿媽無一倖免。無幾耐之后，粗口突然停曬。

「樓下火燭呀！」

太突然喇！我呆住，以為自己發緊夢，直至房門出面越嚟越嘈，我清楚聽到其他租客嘅腳步聲、呼救聲、雜物碰撞聲……我呢個時候終于相信自己唔係發夢，而係真係咁黑仔，真係遇著火燭！下意識即刻擸起手袋，跟住其他租客衝去后樓梯。

我今日見工用過呢個手袋，入面有齊履歷表、證書。至于手袋入面係咪有齊逃生三寶（濕毛巾、鎖匙、手提電話），我唔知，亦唔想理。我關心係咪搵到工多過係咪保得住條命！我驚搵唔到工多過無咗條命！

好彩后樓梯無乜雜物，我好快落到樓下，跟住消防員指示去到安全地方。遠遠望到自己間房嘅窗口冒出濃煙，然后見到火舌慢慢由室內燒到出外墻。我個腦突然空白曬，第一次感受到咩叫「一無所有」——連情緒都無埋。過咗半個鐘，火勢越嚟越大，升做三級火，估計有排救唔熄。我跟其他租客去臨時庇護中心過夜。

肚好餓，地好硬，冷氣好凍，所有災民個身都好臭。我覺得好討厭，但係我接受——銀包漏咗喺單位入面，而家我無錢、無提款咭喺身；如果唔接受，我就要搲爛塊面問人借宿借錢。

唔好諗，快啲瞓！

最衰個腦唔聽使，不停諗將來會係點，搞到完全瞓唔著。

唔好講咩難受唔難受、尊嚴唔尊嚴，嗰啲全部係后話——生存到先再講。即使今晚唔問，遲早都係要問。喺補領到提款咭之前，點都要借錢租屋住或者買衫去見工。

即刻問！

撇除已婚人士同男性，其馀喺我手提電話通訊錄嘅人都收到我嘅message。由于係半夜，好多人瞓咗，回覆我嘅只有小貓三四隻，而且係算唔上朋友嗰幾個。佢哋八卦幾句之后，通通已讀不回。

唯獨是有一個叫做「阿敏」嘅人問得比較詳細，似乎真係有心幫我。其實我完全唔記得邊個係阿敏。唔緊要，佢肯幫我就得。傾咗一陣之后，阿敏終于露出真面目：「我租間房俾你，每月租金三千蚊，包管理費、差餉，水電煤實報實銷。」

我覺得幾抵，又安全過住劏房，于是立即應承。阿敏話自己住喺臨庇護中心附近，可以即刻嚟接我。我孭住個袋，企喺庇護中心門口等阿敏。佢話會著白色衛衣加灰色長褲過嚟。我四圍望，希望可以盡早見到佢個樣，記起佢係邊個，相認時就無咁尷尬。

等咗一陣，見到一個著白色衛衣、灰色長褲嘅身影行過嚟。咦？個身形有啲似男人，應該唔係阿敏。我繼續四圍望，點知頭先個身影行到我身邊停低：「張小姐！」

「阿……阿敏？」我好驚訝——阿敏係個男人？哎呀！我竟然見到個「敏」字就直覺認定對方係女人！

「係呀！你唔認得我？」阿敏一眼睇穿我諗咩。

「認得，你係幾年前幫我搵屋個地產經紀?！刮野珂偠?。

「行啦！」阿敏好細心，主動幫我攞袋。

「唔該……」理智叫我即刻拒絕，亂咁跟男人返屋企好危險。不過我又無其他辦法，唯有博一博。

十五分鐘后，我已經喺阿敏屋企。

「我細妹搬咗，唔會返嚟?！拱⒚敉∽赓挛议g房，個樣好唏噓?！改惴判膯斩茸±?！」

我沖涼之后食咗兩個杯麵，好飽肚、好暖、好舒服。但係我偏偏瞓唔著，個腦好多嘢諗。

諗乜嘢？

我要寫小說！我要寫小說！我要寫小說！

我攞部電話出嚟，寫寫寫寫寫，諗到乜就寫乜。即使上文唔接下理，即使執筆忘字，即使劇情老土到爛，我唔理！繼續寫寫寫寫寫，直到電話同個人都無電為止。

呢晚係我有生以嚟最折墮嘅一晚，亦係咁多年以嚟瞓得最好嘅一晚。

一星期后，我成功補領到提款咭，唔需要問人借錢。阿敏亦無叫我走，繼續俾我喺度住。原來阿敏已經大半年無做嘢，亦無諗住搵工，所以我成為咗佢唯一收入來源。阿敏對我好客氣，家頭細務全部由佢一個人搞掂。

生活順利平凡到單調乏味，好彩我唔再求啲乜，除咗寫小說。我特登搵份工作量唔多嘅工，有時間偷偷哋喺公司寫小說，放工之后亦有精神繼續寫小說。我喺小說網開咗個account上載小說。雖然讀者反應麻麻，但係我好開心、好滿足。

呢種平凡嘅美好生活維持咗三年。直到我識咗小花……

「小花」係個有好多fans嘅網絡作家，我一路有追佢啲小說。睇番記錄，佢寫咗只係半年就已經有好多fans。難怪嘅，佢真係寫得好睇！不過，點解小花會sendmessage畀我？

「你寫嘅小說好好睇！我好鐘意！」

哇！小花讚我呀！

我好想問佢對我啲小說有咩感想，但係我唔敢問。我啲靈感好多時候來自親身經歷，「問佢對我嘅小說有咩感想」變相等于「問佢對我嘅人生有咩感想」。我怕承受唔起，亦擔心佢會越挖越深，唔小心踩中我嘅痛處。無謂自討苦吃。我將注意力再次集中喺小花身上，講下對佢啲作品有咩感想、最鐘意邊個角色、有咩情節令我好深刻……

我哋越傾越開心。佢講咗好多創作時候遇到嘅困難同心路歷程。我好佩服小花，原來佢背后承受咁多壓力！講下講下，佢仲話個秘密我知！

「有出版社睇中我個小說，計劃幫我出書！」

「恭喜小花！我要做你『天字第一號fans』！你要加油呀！」

我衷心支持小花。我好開心、好感動，忍唔住眼濕濕。傻瓜！做乜眼濕濕？而家係小花有機會做作家，唔係我呀！

「多謝！你呢？有無諗過出書？」

「唔敢諗。我自問無呢個能力?！?