蘇斗兒提示您：看后求收藏（詩鼎小說網網m.gzstf.cn），接著再看更方便。

今天，青收到一封電郵，是關于藍青共用的icloud：50gb儲存空間就快爆滿了??青打開共用圖片庫，一面吃著杯麪，一面思索有那些容量大的video可以刪除或者外掛，不以為意的發現，有一個容量頗大的video，剛剛在圖片庫更新了??

青看到久違了的藍在唱「激光中」，認真又搞笑，笑到差點透不過氣來，隨之而來一陣大叫加跌倒碰撞的聲音，螢幕從高處跌下，可能卡在電視機矮柜旁，鏡頭繼續影著沙發底及地氈，但仍清楚聽到藍雪在沙發上，大說大笑聲音，經過一輪短暫沉寂，一件又一件的衣物衫裙從沙發滑下，散落在一地??青簡直不敢相信自己雙眼，心痛的淚水，一顆又一顆從面珠滑下不止，青一手摸著小腹，感到赤痛，似乎連胎兒也感到悲痛??

青雙目無神在蘇豪區徘徊，不經意挑了一間露天咖啡店坐下，點了杯expresso和一客芝士蛋糕，低頭百無聊賴地掃手機??

「唔好意思呀！先生！最后一件芝士蛋糕賣曬啦??」

「唉呀！??我今日專登出嚟最想食芝士蛋糕咋??」

青聽到這段對話，好奇一望，與似曾相識的面孔對上了眼??原來巧遇快要復職機組同事。新戴著黑帽，頸掛著耳機，配灰黑運動衣裝，一身師氣打扮，朝著青走過來。

青（出奇）：新？！乜咁啱遇到你嘅？

新順勢拉櫈坐下（擠眉弄眼）：哎喲！我今日offduty啊！特登出嚟食芝士蛋糕，點知最后一件都俾你買咗??好失望呀！

青（縮一下膊頭）：係呀！我冇乜胃口！不如比你食吖！

新把小碟移到眼前，拿起義子（喜出望外）：really?咁我唔客氣啦喎！

青（驚奇）：嘩！你使唔使咁狼吞虎嚥啊？好耐冇食嘢啊？

新（皺眉頭扮可憐）：哎呀！小姐！我琴晚凌晨落機，返到屋企乜都冇得食到依家，我真係好肚餓啊！食嘢唔使要chok住啊？

青（嘴角上掦疊起雙手）：哈哈！你係當年嘅地勤王子，搖身一變上咗機組變左機組oppa，聽聞好多高層都鐘意你喎??

新（不甘示弱還擊）：喂！一場舊同事，講嘢唔使咁盡啊？我收到風，你好似想返機組啦！搞成點啊？

青（尷尬下意識摸肚皮）：啊！hr搞緊文件，差唔多可以返去簽約啦！

新（抹咀角）：咁咪好囉！多謝你請我食芝士蛋糕啊！不如，趁未返工前不如去relax下呢？

新青到了一間樓上鋪clubbing,兩人選了戶外雅座，黃昏時分，兩人先點了杯cocktails，閑話家常的由工作說起，慢慢各自躺開心扉，一邊喝紅酒，一面互相訴說家人丶夢想、甚至感情事，兩人好像認識了很久的朋友，非常信任對方的一切，青望著新雙眼，渴望自己能像他四圍去，實踐夢想，心里羨慕又無奈，兩人表里一致訴說心底話，包括最新上載的video??

青背向西半山俯覽維港夜景，新點了根香煙，站在一邊憂鬱地一吸一吐，煞有介事地望著沉默的青??

新（忽然驚醒）：啊！原來發生啲咁嘅時，咁你諗唔諗住，俾佢知道你知道啊？

青（低頭玩手指)：吾知道啊??

新（煞有介事）：有冇搞錯啊？你梗係鬧爆佢啦！我最憎呢啲人一腳踏兩船，你最好放條片上facebook,tag左佢哋兩個名，俾大家睇嚇都好呀！

青（反眼）：咁對件事無幫助嫁喎！我同佢實又鬧交收場啦！

新（吸一口煙無奈）：咁其實你想佢點啫！

青（低頭幽幽地）：其實，我凈係想佢主動坦坦白白講件事俾我聽，之后跪低道歉，應承我以后唔再見嗰個女人??

新（同意點頭不語)：咁又啱嘅！最緊要錯就要認，打就要企定??咁而于個bb??

青（下定決心）：如果佢肯同我道歉嘅話，我都要d時間比自己適應一下陀bb嘅心態，學習下點樣做一個媽咪??