蘇斗兒提示您：看后求收藏（詩鼎小說網網m.gzstf.cn），接著再看更方便。

周末下午，青悄悄坐在餐廳一角，垂下頭拿著匙羹，默默地攪拌枱上的熱檸水，想得入神??

藍（匆忙趕到）：咦？好早嚟咗啦？

青（心神彷彿）：嗯??

藍（上身靠著青）：食咗午餐未？凈係飲杯檸檬水夠啦？

青（面部僵硬）：啊！冇乜胃口，唔想食早餐住??

藍（疑惑）：不如食個下午茶？係咪依間餐廳唔啱胃口？我哋可以去第二間食啊？

青（搖搖頭）：唔係??藍，我有件事要同你講??

藍（上身傾前）：好！你講吖！我聽緊??

青（深呼吸）藍，我有左六星期啊??

藍（睜大眼睛）：嚇！你意思係你有咗bb?我哋嘅bb?

青眼巴巴望著藍，點頭不語。

藍（摸一下鼻子扮驚喜）：咁突然嘅？咁咪好囉！我哋可以落實結婚，組織我哋嘅新家庭！我已經諗好咗，我哋結婚之后住邊度??

青（握拳質問）：你一早知道我有咗，先至同我結婚嘅??

藍（跺腳死撐）：梗係唔係！我點會知啫？我係想同你組織新家庭，先會同你求婚??

青（鼻孔呼氣）：點解你要講大話？嗰晚係俊屋企，你已經係我手袋見到有驗孕棒啊？所以，你係為咗個bb，先至同我求婚，并唔係因為我本身??

藍心里一沉，想不到被懷疑求婚的誠意，感到很沮喪，拒絕作任何解釋，下意識摸了一下，放在口袋里的戒指盒，想不到這棵戒指，竟猛然刺痛自己??兩人一下子沉默起來，時間彷彿過得很慢，甚至懷疑停止了??

藍打破沉默（抬頭挺胸）：係！我承認，我係一早見到，你個袋有一盒驗孕棒??而我唔想自己，好似我衰老豆咁，知道我媽咪有咗我，就唔要我哋兩個，離開咗屋企就冇再返嚟??所以我一定會負責任，做bb嘅爸爸??

藍想勾搭青的手，但青慢慢縮開回避，藍的心酸溜溜刺痛著，手指頭在枱底無意識的撫弄，似乎在回憶曾經觸碰時的溫暖。

青沉默一會（回避目光)：我知道有bb係一件唔容易嘅事??但係原來擁有依一件上天賜嘅禮物，亦都會可能失去另一位重要的人??

青（低頭咽嚥）：藍，原來我媽咪係生我嘅時候難產，醫生剩係救得返我一個??我媽咪係我出世嗰日，就過咗身???所以，我而家仲未有勇氣去接受生bb依一件事，我仲咁后生，我唔想咁快生bb，綁住自己夢想呀！??何況，我下星期我會返公司面試，如果順利嘅話就可以返機組，完成我嘅夢想??

藍（叉腰忟憎）：夢想？又係夢想？你依家有咗我哋嘅bb呀！你依家最緊要係休息，唔好諗咁多野住??

青（反感吁氣）：夠啦！你凈係掛住個bb，你有冇諗過我嘅感受啊？我真係好驚啊！我唔想面對媽咪同一個處境，我好驚死係產房！係手術枱上死呀？你明唔明呀？

藍（好言相勸安慰）：我明白以前醫院有好多唔完善嘅地方，但係而家醫學好先進架啦！我會安排最好嘅醫生同埋醫院俾你，你唔使擔心架！

青（情緒崩潰大哭）：唔係呀！唔係你一廂情愿咁諗，就會冇事架！意外就係意外，我都唔想架！我都唔想媽咪生我嘅時候死架！我都好想媽咪抱我錫我，我好怕生bb呀！你明唔明呀？